03FEBRUARI1956
Dia sosok
yang kita kagumi
Slalu punya
karisma
Waktu kita
kacili paling dia salalu batanya-tanya
Mo jadi apa
kita kalu so basar kang?
Setelah
kita beranjak remaja dia so mulai tako
Deng
mengkhawatirkan kita pe masa-masa itu
Mar dia
slalu punya cara mengatasi itu
Tanpa harus
beking kecewa pa kita
Dia sosok
yang kita kagumi
Slalu welcome deng apa adanya
Waktu kita
mulai tau cinta
Kita tau
dia tako deng merasa kita masi talalu muda
Mar skali
lagi dia slalu punya cara for mo atasi itu
tanpa harus
membatasi kitape ruang gerak
dia sosok
yang kita kagumi
slalu
berusaha percaya pa kita
dalam
keadaan apapun
dia bangun samua depe impian-impian tentang kita
deng ba
harap satu hari nanti
impian-impian
itu boleh mo ternikmati
dia sosok yang
kita kagumi
slalu suka
yang terbaik for kita
kita tau
betapa dia susah mo ator samua kita pe keperluan
betapa dia
sedih kalu dia nda bisa penuhi kita
pe permintaan
betapa dia
tako kita pe harapan-harapan nda jadi butul
tapi skali
lagi dia slalu punya cara
supaya kita tetap
percaya dia pe kemampuan
dia sosok
yang kita kagumi
slalu tabah
hadapi depe persoalan hidup
betapa
berat dia musti mengatasi depe perjuangan
untuk
keluarga
deng
menghasilkan warisan terbaik untuk anak-cucu
sebenarnya
kita paham samua-samua
walaupun
dia nda talalu banya ba carita depe isi hati
tapi kita
mangarti
dalam
keadaan tertentu kata-kata nda talalu perlu
Cuma satu jo yang harus kita mo bilang
Kita bangga
pa DIA
29’09’08 13:02
0 komentar:
Posting Komentar